شعر ساخر وزجل مغربي فكاهي

شعر ساخر وزجل مغربي فكاهي

شعر ساخر من ملفاتي ويب
اليكم زجل مغربي اعجبني فنقلته لكم:
----------------
في بلادي فقط على السكرة والتدخين يشجعوك!
وإلا زنيتي مع شي درية يقولو ليك مبروك!
واخا شافوك غادي للهاوية والله مايحذروك!
نتا غادي الطريق الخطأ ولكن ماغاديش ينبهوك!
بقا ناعس نتا وكون هاني راه ماغاديش يفيقوك!
علاش؟
حيت باغينك طيح فالأرض ويشوهوك!
حتال الأوقات الكحلة عاد يديرو الصواب ويتذكروك!
حيت باغينك تكثر المعاصي وعلى الله يبعدوك!
هادو باغين لجهنم يسيفطوك!
سكايري وكفايفي باغين يشوفوك!
ونتا تبقا تابعهم حتى تولي عيان ومهلوك!
الا كنتي خارج الطريق يفرحو ليك ويستقبلوك!
والا كنتي ملتزم متشدد وارهابي يرجعوك!
يقولو عليك معقد ويحتقروك!
الا مافهمتش كلامي سول الناس لي سبقوك!
راه هاد الناس والله ماغادي ينفعوك!
والا بغيتيها بلغة الفيسبوك!
حيدهم من حياتك ودير لاصدقاء السوء بلوووك!
في بلادي الا حدرتي ليهم الراس راه ماغاديش يقيلوك!
واخا شديتي التيقار غادي يجبدوك!
الا شافوك درويش غادي يحگروك!
اللهم خرج فيهم عينيك وخليهم يخافوك!
وكولهم نتا قبل ماياكلوك!
حيت هاكا غادي يديروك فوق راسهم ويحتارموك!
في بلادي الناس حتى يبغيو مصلحتهم عاد يتفكروك!
يبداو يتبلحسو وبجميع انواع الصباغة يصبغوك!
عنداك تيق فيهم راهم غير ينافقوك!
راه كايهضرو فيك فالغيب ومن تكون حاضر يشكروك!
والا عطيتي ليهم راس الخيط غادي يغدروك!
ومن غادي ياخدو داك شي لي بغاو غادي يركلوك!
وكون على يقين انه مايبغي ليك الخير غير مك وبوك!
ماكنهضرش على كلشي ماتمشيش غالط ارجوك!
راه كاين ولد الناس وكاين الصعلوك!
كاين لي كبير فعقلو وكاين لي بعلوك!
لي نيتو صافية وكاين لي ناوي الغدر ويقولك انا خوك!
في بلادي كل نهار كسيدة كل نهار كار تساطح مع رموك!
في بلادي كايستغلو الانتخابات باش يشفروك!
بالشفوي والكلام الخاوي يشبعوك!
بالاصلاحات والخدمات فالتلفازة يوهْموك!
والا كنتي فقير ومشيتي للسبيطار غادي يهمشوك!
والا كنتي غني فوق راسهم. يديروك!
في بلادي ملي طيح الشتا الطريق تولي زعلوك!
في بلادي بالمسلسلات التركية والمصرية يكلخوك!
هذا حال بلادي وحالي وحالكم
ماتمشو غالط هذا حال  بنادم في جميع البلدان
حظي راسك ابنادم مزيان وعارف كيف تعيش
المهم هذا هو
 ونتمنى ان هاد الكلمات تعجبوكم!

2/أضف تعليقك هنــا:

مرحبا بك اخي الكريم، اذا اعجبك الموضوع، فلا تبخل علينا برآيك وأترك بصمتك، باضافة التعليق أسفله، وشكرا.

  1. للأسف هذه هي حالنا الحمد على كل حالك

    ردحذف
  2. تبركالله عليك اخي كلمات جميل وفي نفس الوقت الرسالة واضح بتوفيق إنشاء الله

    ردحذف

إرسال تعليق

مرحبا بك اخي الكريم، اذا اعجبك الموضوع، فلا تبخل علينا برآيك وأترك بصمتك، باضافة التعليق أسفله، وشكرا.

أحدث أقدم