نكت مغربية متنوعة ومضحكة: الجزء الثاني

نكت مغربية مضحكة
***1**
هادو 3 ديال الناس.. امريكي.. فرنساوي.. مغربي.. وقفوهوم حدا واحد البحر قالو ليهم كل واحد فيكم بغيناه يتخيل لينا هاد البحر عامر بشي حاجة من غير الماء... الامريكي: لو كان هاد البحر كلو بترولنفط متنظنش اننا مازال غادي نحتاجو للنفط ديال الخليج وايران... الفرنساوي: لو كان هاد البحر كلو فلوس متنظنش غيبقا شي فقير فهاد العالم... المغربي: لو كان هاد البحر كلو بيصارة شحال غاتقدو من خبزة.
***2**
دارو مسابقة شارك فيها فرنسي و ياباني وعربي، السؤال هو: ماهو أسرع شيء في الوجود؟ الفرنسي:  الضوء... الياباني: التفكير... العربي: الإسهال... سولو العربي علاش الإسهال؟ قاليهوم حيت إلا جاك الإسهال ماكايبقا عندك الوقت لا باش تفكر ولا باش تشعل الضوء ديال الطواليت.
***3**
واحد تايبيع المخ دبنادم، مخ اليابان ب 100درهم للكيلو، ومخ ميريكان ب 300درهم وفرنسا 500درهم وديال العرب ب 2000درهم، وقاليه واحد الزبون: راك غلتي بزاف فالثمن وعلاش ديال اليابان رخيص.. جاوبو: راه في اليابان فواحد الرأس نلقاوه عامر بالمخ وفي المغرب نلقاو غير الغرامات في الرأس الواحد.
***4**
حمار جات عندو صاحبتو لدار... لقات عندو صورة معلقة ديال حمار وحشي... قالتو ديال من هاد الصورة... قال ليها ولد عمي كيلعب فجوفنتوس.
***5**
هادو الميريكان بغاو يديرو رحلة لشمس باش يكتشفوها أو خافو يتحرق ليهوم الرائد أولا طرا ليه شي حاجا أوهوما يجيبو واحد أسميتو "حْمَّادِي" أو هو ما يسيفطوه فلمركبة أوهوا غادي فطريق أو هيا تفركع(انفجرت) هاديك المركبة فْسْمَا....أو هوا يطيح هاداك الراس ديال المركبة الاحتياطي أو حمادي فيه، طاح فصحرا ديال "مصر" ضرباتو الفيقة أو هوا يشوف واحد لواحد جاي أو تايلهت قاليه حمادي مالك ؟ قاليه "حَمُوتْ من الشمس" بالمصرية أو هوا يقوليه "حمادي من الأرضتايتسحاب بيلا وصلا لشمس أو هداك الراجل أسميتو "حَمُوتْ."
***6**
داب هادو شي شبعانين ومساليين مشاو لواحد القنت وجمعوا كاع الكدابة باش يشوفو شكون الواعر فالكدوب... سولو الاول قال ليهم انا واحد النهار حليت التلاجة ولقيت الاسكيمو كايتساراو فيها... وسولو التاني وقال ليهم انا كنت ماشي واحد النهار ولقيت الملك فالزنقة وديتو يتغدى معايا وفالتالي قتلتو ورجعت ملك.. وسولوالتالت وقال ليهم انا واحد النهار كنت فالغابة وكانت عندي قرطاسة وحدة وتلاقيت معا واحد السبع وضربتوا وزكلتوا وكلاني. (والفاهم يفهم).
***7**
واحد من الجالية ديالنا ايام السبعينات... دخل للمغرب... وقال لواحد صاحبو قديم: عرفتي جيت من باريس للمغرب بR4 ودرت سـاعة في الطريق... صاحبو: تعجب ليه... وهو اقول ليه: راني درت ليها الموتور تاع الطيارة "البوينغ"... صاحبو بقا فيه الحال على هاذ الكذبة. ما ردش عليه وقال ليه: على سلامتك اوا دوز عندي العشاء اليوم راك معروض... وملي تعشاو... عييط لولدو وقال ليه: سيرجيب المعزة تاكل العظام... الاخر تعجب وقال ليه: علاش؟ مايمكنش المعزة تاكل العظم... وجاوبو: لا راني درت ليها المعدة تاع الكلب.
***8**
واحد عيطو ليه يمثل فإشهار، قالو ليه : هانتا.. غادي تمثل بحال إلى السبع غادي ياكلك و غادي نفسرو ليك كلشي! هو يقول ليهم : وا سيرو فسرو للسبع بعدا.
***9**
جوج سرقو بنك. مشاو لدار كايحسبو. عياو واحد قال لصاحبو غير نعس دابا غدا هايقولو فالاخبار شحال سرقنا.
***10**
هدا واحد مول الطاكسي، صباطو خانز، سولو الكليان ديالو، شحال من حصان في الموطور
ديال الطاكسي، قال ليه: عشرة ديال الخيل، جاوبو الكليان : يمكن مات ليك شي واحد منهم.

0/أضـف تعليقـك هنـــا:

مرحبا بك اخي الكريم، اذا اعجبك الموضوع، فلا تبخل علينا برآيك وأترك بصمتك، باضافة التعليق أسفله، وشكرا.

أحدث أقدم


قـد يعجبـك أيضــا: